Agjencitë e shërbimeve sekrete amerikane deklaruan se Irani ishte përgjegjës për sulmin kibernetik ndaj fushatës presidenciale të ish-presidentit amerikan Donald Trump.
“Ne kemi vëzhguar një aktivitet gjithnjë e më agresiv iranian gjatë këtij cikli zgjedhor, veçanërisht në operacionet që synojnë publikun amerikan dhe operacionet kibernetike që synojnë fushatat presidenciale”, thuhet në një deklaratë të përbashkët nga Zyra e Drejtorit të Shërbimit Sekret Kombëtar të SHBA-së.
”Kjo përfshin aktivitetet e raportuara së fundmi për të minuar fushatën e kandidatin Trump”, thuhet në deklaratë.
Është hera e parë që qeveria amerikane vendos përgjegjësinë për sulmin kibernetik që Trump e kishte lidhur edhe më parë me Teheranin.
“Irani kërkon të ngjallë mosmarrëveshje dhe të minojë besimin në institucionet tona demokratike”, thuhet në deklaratë.
“Irani ka demonstruar gjithashtu një interes të gjatë për të shfrytëzuar tensionet sociale përmes mjeteve të ndryshme, duke përfshirë përdorimin e operacioneve kibernetike për të tentuar të fitojë akses në informacione të ndjeshme në lidhje me zgjedhjet në SHBA”, përfundon deklarata.
Discussion about this post