Federata jep verdiktin për të kuqin e Mac Allister

Ndërhyrja që Mac Allister bëri ndaj kundërshtarit të tij në takimin Liverpool-Bournemouth, u cilësua shumë e ashpër nga gjyqtari, duke u ndëshkuar me një karton të kuq.

Në lidhje me dënimin që do të vuajë futbollisti, The FA (Federata Angleze e Futbollit) ka dhënë verdiktin e saj.

Federata angleze ka anuluar kartonin e kuq të Alexis Mac Allister. Skocezo-argjentinasi nuk do të vuaj një pezullim, andaj do të mund të rikthehet në ndeshjen e ardhshme të Liverpoolit.

Mesfushori mori karton të kuq direkt në fitoren 3-1 të The Reds kundër Bournemouth për një faull ndaj Ryan Christie.

Lojtari u pezullua fillimisht me tri ndeshje, por Liverpooli apeloi vendimin dhe fituan apelin.

Duke folur pas ndeshjes, Jurgen Klopp tha se “çdo gjë mungonte për një karton të kuq”.

Tani 24-vjeçari do të jetë i disponueshëm për t’u përballur me Newcastle të dielën. /Telegrafi/