Feja kundër surrogacisë, Këshilli Ndërfetar takim në Ministri: Tërhiqni projektligjin

Komunitetet fetare në bllok në Shqipëri kanë kundërshtuar projektligjin e ri “Për shëndetin seksual dhe riprodhues” të njohur si ligji i surrogacisë.

Këshilli ndërfetar në Shqipëri i përbërë ngë Komuniteti Musliman, Kisha Katolike, Kisha ortodokse autoqefale, Kryegjyshata Botërore Bektashiane si dhe kisha ungjillore dhanë argument e tyre kundër përpara ministrisë së shëndetësisë.

‘’Projektligji përmban disa pika që për ne janë shumë të rëndësishme që në këtë formë të mos kalojnë siç është sterilizimi, rritja e moshës së abortit, nënat zëvendësuese apo surrogate dhe pjesë të tjera që përmban ky ligj.

Për komunitetet fetare në Shqipëri shprehen kundër këtij projektligji’’.

Përfaqësuesit e këshillit ndërfetar thanë se me këtë projektligj ndër të tjera rrezikohet familja dhe jeta.

Projet Ligji për surrogacinë deri më tani është kundërshtuar nga komunitetet fetare, partitë e opozitës si dhe organizata të shoqërisë civile dhe komuniteti LGBT.