Artisti shqiptar, Ermal Fejzullahu ka shqetësuar fansat e tij ditën e sotme, përmes një postimi të bërë në profilin e tij zyrtar, në Instagram.
Ai ka publikuar një fotografi, ku shihet teksa merr serum, në shtëpinë së tij.
Nuk është ende e qartë arsyeja se pse artisti ka përfunduar me vigonin në krahun e tij, pasi Ermali nuk ka dhënë detaje të mëtejshme në postimin e bërë nga ai.
Ne shpresojmë që kjo të mos jetë diçka serioze për artistin, i cili vetëm disa javë më parë festoi 35-vjetorin e lindjes së tij.
Urimin më të veçantë, këngëtari e ka marrë nga babai i tij, Sabri Fejzullahu, i cili i ka emocionuar të gjithë me urimin e tij.
“Ti je bota ime. Ti je dielli që më ngrohë. Ti je një artist i madh me zemër , me zë dhe me shpirt. Ama këto t’i dha publiku shqiptarë dhe e gjithë bota. Ty të dha Zoti zërin, talentin dhe i gatove me punë, me shpirbardhësi dhe me dashuri që dhuron e që merr. Unë të dua se të kam djalë të shpirtit, ta dua buzëqeshjen, humanizmin dhe thjeshtësinë. Vazhdo puno dhe mbaje kokën ulur. Dhuro dashuri ngado dhe kudo shkon. U bëfsh edhe 100 o fryma babit”, përfundon shkrimin e tij Sabri Fejzullahu./SHQIP
Discussion about this post