Felix mund të largohet nga Atletico, skuadra e njohur angleze kërkon të përfitojë

Joao Felix mund të largohet nga Atletico Madrid, pasi marrëdhënia mes lojtarit dhe Diego Pablo Simeone tashmë nuk është si më parë.

Agjenti i tij Jorge Mendes po përpiqet qe të gjejë një ekip që i përshtatet sulmuesit.

Në këtë situatë duket se ka interes gjigandi anglez Manchester United. Joao Felix është emri që qarkullon në media se mund të bashkohet me anglezët.

“Djajtë e kuq” janë në kërkim të një sulmuesi me cilësi dhe përvojë që mund të zëvendësojë Ronaldon në rast largimi dhe Joao Felix konsiderohet si zëvendësuesi ideal.

Sulmuesi i ardhur me shumë bujë nga Benfica tek Atletico Madrid për një shumë stratosferike prej 127 milionë eurosh në 13 ndeshje të regjistruara këtë sezon nuk ka mundur të gjejë rrugën e rrjetës.

Përveç krisjes me Simeonen edhe paraqitjet e dobëta të lojtarit në këtë start sezoni, duket se kanë bindur drejtuesit madrilen ta konsiderojë ofertat për të.