Fëmija i parë i vitit 2022 në Shqipëri është djalë dhe është pagëzuar me emrin Akid. Ai ka ardhur në jetë pikërisht në momentin e ndërrimit të viteve, në orën 12:00. Më pas vetëm një minutë pas tij, në maternitetin Koço Gliozheni ka ardhur në jetë një tjetër djalë, i quajtur Aiden. Ka qenë Ministrja e Shëndetësisë Ogerta Manastirliu që ka konfirmuar të dyja lindjet.
“Mirë se erdhe Akid! Fëmija i parë i vitit 2022 është djalë, që lindi shëndosh e mirë në maternitetin “Mbretëresha Geraldinë” në orën 12:00. Është djalë edhe bebi i parë që erdhi në jetë në maternitetin “Koço Gliozheni”, 1 minutë pas ndërrimit të viteve. Jetë të gjatë e paçi këmbën e mbarë Akid & Aiden”, shkruan ministrja Manastirliu.
Discussion about this post