Dëshmitarët në vendin e ngjarjes, qytetarë që banonin në pallatin nga i cili u hodh nëna bashkë me fëmijën e mitur vetëm dy vjeç kanë treguar momentet e para të rënda.
“Pashë që kjo ishte këtu e shtrirë dhe fëmija ishte përmbys. Ajo kishte shenja jete kurse fëmija fare kishte çarje në fytyrë. Ajo mund të ishte 32 vjeç, ndërsa fëmija rreth 3 vjeç”, thotë një dëshmitar.
Ai dëshmon se kishte dëgjuar zhurmën dhe kishte dalë nga shtëpia.
“Është hedhur nga kati i pestë nga sheshpushimi. Nuk jetonte ka ardhur aty thjeshtë për të bërë këtë, ishte bashkë me fëmijën dhe kur dëgjova zhurmën që ra dola në moment”, tha ai.
Ndërsa në vendin e ngjarjes ka ardhur me vonesë ambulanca.
“Ambulanca u vonua 10 minuta, policia erdhi shpejt”, përfundon ai.
Një tjetër dëshmitare tregon se Pamela Mërtiri ishte e divorcuar dhe jetonte me prindërit, por pas divorcit kishte kaluar një krizë nervore.
“Është lindur dhe rritur te pallati përballë, ishte vajzë e qetë kishte dy vjet e martuar, lindën një djalë, para shtatë muajsh u nda, ajo kishte një muaj kishte kaluar krizë nervore se më tha mamaja e saj. Jetonte në Tiranë edhe familja. Erdhën te shtëpia që kanë këtu, kishte kërkuar vetë Pamela që dua të vete në Vlorë. Ajo ka qenë vajzë e qetë e mrekullueshme”, tha ajo.
Ndërkohë që një tjetër banorë i atij pallati tha se nuk e kishte parë asnjëherë më parë viktimën në këtë zonë.
“Nuk e kemi parë asnjëherë fytyrën e saj këtu, asnjëherë. Ajo jetonte në tiranë, por më shumë rrinte këtu, i njohim të atin dhe mamën. Është e divorcuar, kështu kemi dëgjuar. Vetëm këtë fëmijë kishte”, thotë dëshmitari.
Ajo thotë se me pallatin nga i cili u hodh nuk e lidh asgjë. “Me këtë pallat, si duket mos t’i bëhej barrë të atit atje përpara tek shtëpi. Kjo punonte farmaciste, e kishte punën në Tiranë. Jemi tronditur, mezi po flas tani. Baba i saj është doktor, në pension”, përfundon ajo.
Mësohet se 35-vjeçarja që humbi jetën është vajza e një mjeku, por ende nuk janë zbardhur detaje të tjera nga ngjarja e rëndë.
Discussion about this post