Për fat të mirë mes të mbijetuarve në tragjedinë që ndodhi sot në Bullgari gjendej edhe një çift i sapomartuar. Babai i vajzës që shpëtoi për mrekulli ka treguar për mediet se si e bija dhe dhëndri u hodhën nga dritarja e autobusit. Ai tha se vajza e tij bashkë me burrin e saj kishin shkuar të premten në Turqi për fundjavë, por që duke u kthyer autobusi u përfshi nga flakët. Sipas tij, çifti shpëtoi pasi u hodhe nga dritarja para se flakët të përpinin të gjithë autobusin. Babai i vajzës tregoi se ishte dhëndri i cili në moment kishte shtyrë gruan nga dritarja dhe më pas u hodh e vetë, ku theu edhe këmbën nga përplasja e fortë në autostradë.
Ai tregon se e bija dhe dhëndri janë në gjendje të mirë dhe kanë plagë të lehta, por janë shumë të tronditur pasi aty pranë kishin par fëmijë të cilët po përcëlloheshin nga flakët e mëdha të zjarrit.
“Ditën e premte i përcolla deri në Kumanovë, hipën në autobus, shkuan për fundjavë në Turqi, ndërsa duke u kthyer, në orën pesë në mëngjes, e shfletova Facebook-un dhe e pash rastin, u hutova, nuk dija c’të bëja. Lajmin për shpëtimin e vajzës dhe dhëndrit e mora nga agjencioni në Shkup, aty kishte edhe familjarë tjerë, vajza ka tregu që një djalë i vogël është përfshi nga zjarri, dhëndri ka shtyrë vajzën, e më pas është hedhur edhe vetë, aty e ka thyer edhe këmbën”, tha ai. Kujtojmë se nga ngjarja e tmerrshme që ndodhi këtë mëngjes në Bullgari mbeten të vdekur 46 shqiptarë të Maqedonisë.
Discussion about this post