Brenda vetëm 7 muajve, fshati Shënavlash në Durrës është përballur me dy ngjarje të rënda dhe tronditëse. Më 23 Shkurt të këtij viti, ngjarja e parë e bujshme ishte vrasja e Pëllumb Metës, 49 vjeçar, nga tre fëmijët e tij. Mëngjesin e sotëm, policia ka zbardhur një tjetër krim të ngjashëm, ku 30 vjeçari Esmerald Balla vrau babanë e tij, 62 vjeçarin Enver Balla.
Një element i përbashkët në të dyja ngjarjet është mënyra se si trupat e pajetë janë fshehur. Pëllumb Meta u raportua i zhdukur më 13 Shkurt, ndërsa u dyshua se u vra disa ditë më parë. Tre fëmijët e tij, Hysen, Hygerta dhe Amarildo, e vranë dhe groposën atë pranë një kasolleje. Djali i madh, Hyseni, është dyshuar se ka përdorur armën për të kryer krimin në prani të motrës Hygerta, ndërsa Amarildo ndihmoi në fshehjen e trupit. Ky krim u zbardh nga policia dy javë më vonë.
Në një rast tjetër të zbuluar vetëm sot, Esmerald Balla, pas vrasjes së babait të tij, e hodhi trupin në një pus, rreth 1 km larg vendit të ngjarjes. Në të njëjtën ditë, ai raportoi para policisë se i ati kishte larguar nga banesa.
Ngjarja e fundit e zbardhur në Shënavlash ka nxjerrë në pah se, pavarësisht se krimi në familjen Meta ka ende shumë mister, motivi për vrasjen e Enver Ballës u zbulua shpejt se kishte në qendër një debat për shuma parash mes viktimës dhe autorit.
Çfarë i lidh dy ngjarjet
Si në rastin e Pëllumb Metës ashtu dhe në atë të Enver Ballës, paratë dhe pronat janë bërë shkak që ata të eliminohen nga fëmijët e tyre, për të vijuar më tej me historinë e zhdukjes së trupit dhe më pas telefonatë policisë për ndihmë.
Në 13 shkurt të këtij viti djali i madh i familjes Meta në Shënavlash denoncon në polici zhdukjen e papritur të babait. Dhe pas disa ditësh kërkimi trupi i Pëllumb Metës gjendet i varrosur në kasollën pas shtëpisë. Fillimisht fajin e morën përsipër dy vëllezërit të cilët thanë se e vranë babain pasi donte të fejonte motrën e tyre të vogël Gertën pa dëshirë.
Por kjo pistë ra, dhe më vonë u mësua se në lojë ishin disa dynym tokë që vlenin mijëra euro, për të cilin Hyseni kishte bërë fjalë me babain për t’i shitur, por kur ky i fundit e kishte kundërshtuar, u qëllua me plumba. Një ngjarje e mbetur ende mister dhe që vijon të hetohet edhe për arsyen se edhe vajza Gerta Meta pretendon se qëlloi ajo ndaj babait dhe se dy vëllezërit e ndihmuan për të zhdukur trupin.
Ishin kamerat rrugore ato të cilat treguan se si dy vëllezërit Meta larguan nga banesa makinën e babait të tyre dhe më pas denoncuan në polici zhdukjen e tij.
E njëjta histori u përsërit edhe diotën e sotme pas bërjes publike të ngjarjes tragjike. Esmerald Balla kishte “thurur” skenarin e ngjarjes, pasi në mënyrë që të zhdukte gjurmët, ka kallëzuar në polici se babai i tij ishte larguar nga banesa me një grua të panjohur dhe se kishte humbur kontaktet me të.
Këto ngjarje tronditëse nuk kanë lënë vetëm një shenjë të thellë në opinionin publik, por gjithashtu kanë çuditur me gjakftohtësinë e autorëve, të cilët duket se kanë ndjekur skenarë të ndërlikuar për të eliminuar prindërit e tyre.
gijotina.com/
Discussion about this post