E rëndë në Elbasan! Fëmija i shpëton nga dora të ëmës, përplaset për vdekje nga makina

Një aksidenti i rëndë u regjistrua mëngjesin e sotëm në fshatin Mengel në Elbasan, ku ka humbur jetën një fëmijë 7-vjeçar.

I mituri u përplas për vdekje nga një automjet që drejohej nga 61-vjeçari Petri Bozo, në rrugën Elbasan-Librazhd, teksa mësohet se ngjarja ka ndodhur pranë një shkolle.

Siç bëhet me dije shkolla ka qenë pranë aksit nacional Elbasan-Librazhd.

Fëmija ka qenë me të ëmën duke shkuar në shkollë, teksa i shpëtoi asaj nga duart duke kaluar rrugën dhe pësoi aksidentin fatal.

Sakaq, 61-vjeçari është shoqëruar në Komisariat.

Sipas dëshmive nga vendngjarja, momenti i përplasjes ka qenë i papritur dhe ka shkaktuar panik mes banorëve të zonës.

Banorët janë mbledhur menjëherë në vendin e ngjarjes dhe kanë tentuar të ndihmojnë, duke e nxjerrë fëmijën nga poshtë automjetit.

Sipas tyre, gjendja e të miturit ka qenë shumë e rëndë dhe ai ka pasur gjakderdhje nga koka dhe goja.

Ata thonë se ambulanca nuk ka mbërritur menjëherë dhe fëmija është transportuar me një mjet privat drejt spitalit, ndërsa ndihma mjekësore ka ardhur më vonë, pasi ai ishte larguar nga vendngjarja.

Dëshmitarja nga vendngjarja deklaron:

“U mblodhën gjithë burrat e lokalit, ngritën makinën dhe e nxorën fëmijën nga poshtë makinës.

Fëmija doli me gjak nga goja dhe nga koka. Thirrëm ambulancën, nuk erdhi menjëherë. E morëm me makinë të rastit dhe e çuam në spital. Ambulanca erdhi pas rreth një çerek ore, pasi fëmija ishte larguar nga vendngjarja.”

Njoftimi i policisë:

Elbasan/Informacion paraprak

Rreth orës 08:00, në aksin rrugor “Elbasan-Librazhd”, automjeti me drejtues shtetasin P. B., 61 vjeç, ka përplasur një fëmijë rreth 7 vjeç, i cili si pasojë ka humbur jetën.

Drejtuesi i automjetit është shoqëruar në Komisariat, për veprime të mëtejshme.

Grupi hetimor në vendngjarje po punon për zbardhjen e rrethanave të aksidentit