Presidenti i Federatës Shqiptare të Futbollit, Armando Duka ka thënë sot se përfshirja e familjes së Armando Brojës në jetën profesionale të talentit ka ndikim.
Në një konferencë të dhënë ditën e sotme për mediat, Duka theksoi se asnjë prej familjarëve të lojtarëve të tjerë të Kombëtares nuk ndërhyn te ta, ndërsa për rastin e talentit 20-vjeçar puna qëndron ndryshe, duke hedhur në këtë formë akuza që mund të lidhje me pakënaqësitë e lojtari.
“Çdo individ ka veçoritë e veta dhe duhet të menaxhohet me veçoritë që ka karakteriale sportive etj që ai të japë maksimumin që ka. Nuk mund të jenë të gjithë njësoj, psh një fëmijë ndonjëherë e do edhe me shpullë, ndërsa një fëmijë tjetër do mirëtrajtim që të eci përpara. Pra edhe Broja është 20 vjeç dhe duhet menaxhuar. Fatmirësisht dhe fatkeqësisht edhe familja e tij është shumë prezentë, pra asnjë nga ju nuk e njeh as babanë e Gjimshit as Veselit, ndërsa babanë e Brojës e njihni të gjithë ju.” –theksoi kreu i FSHF-së
Më tej duke folur për largimin e Taulant Xhakës nga përfaqësuesja ‘Kuqezi’ ai shtoi se mesfushori ka dhënë shumë, por janë dëmtimet që e çuan në një vendim të tillë.
“Më vjen keq që nuk e kemi më dhe që nuk kemi një luftëtar të tillë në mesfushë si Taulanti. Për aq kohë sa ka qenë në Kombëtare dhe në fushë ka dhënë maksimumin. Kohët e fundit nuk ka qenë në formë për shkak të dëmtimeve. Unë kam biseduar, por e sheh veten që nuk ka mundësi ta ndihmojë më ekipin dhe është larguar, e vlerësoj maksimalisht dhe ka qenë pjesë e rëndësishme në kohën e ndritur të Kombëtares.”-deklaroi Armando Duka./K.T/Gijotina.com
Discussion about this post