Banka Ekonomike së bashku me klubin Alpin Prishtina, kanë surprizuar fëmijët e Klinikës Pediatrike.
Karaktere të filmave të animuar si Supermeni, Betmeni dhe Spidermeni u lëshuan me litarë nga objekti i Pediatrisë në Qendrën Klinike Universitare të Kosovës, duke sjellë gëzim te fëmijët e shtrirë në këtë klinikë.
Gjatë lëshimit me litar, përveç argëtimit të fëmijëve, janë ndarë edhe disa dhurata modeste për ta.
Shumë fëmijë u befasuan kur panë super-heronjtë e tyre të varur në litarë derisa i përshëndesin nga dritaret. Ky aktivitet u organizua nga “Care for Kosovos Kids”.
“Banka Ekonomike gjatë këtij aktiviteti po ashtu ka dhuruar donacion për organizatën Care for Kosovo Kids, i cili do të destinohet për blerje të medikamenteve dhe pajisjeve të nevojshme për Klinikën Pediatrike. Ky aktivitet nuk është aktiviteti i parë, pasi që edhe në të kaluarën kemi mbështetur Kliniken Pediatrike, por nuk do të jetë as i fundit”, thuhet në njoftim.
Përgjegjësja Ekzekutive e Bankës, Hamide Pacolli Gashi në emër të bankës falënderoj organizatorët dhe shprehi gatishmërinë e bankës për mbështetje edhe në të ardhmen.
Discussion about this post