Një nga trendet më të reja në mbarë botën që po përhapet masivisht janë dhe hotelet vetëm për të rritur. Njerëzit i zgjedhin për relaksim, larg zhurmës, duke lënë fëmijët në shtëpi. Por si është një hotel vetëm për të rritur?
Akomodimet që i përkasin kësaj kategorie nuk lejojnë akses për fëmijët, me moshën minimale të lejuar që varion, por zakonisht kufiri është 16 ose 18 vjeç.
Funksionimi i hoteleve në fjalë ndryshon sigurisht… Disa karakterizohen si më “romantikë” dhe u afrohen kryesisht çifteve, të tjerë janë të përshtatshëm për “relaksim absolut” pasi kanë shërbime spa, ndërsa ka edhe më “të gjallë” ato që preferohen kryesisht nga grupet.
Festat janë të shenjta për të gjithë, kështu që ne duhet të respektojmë se si të gjithë duan t’i kalojnë ato. Por ne do t’ju themi se trendi i “pushimeve larg fëmijëve” edhe për çiftet që kanë familje , sidomos këtë vit, pas dy verave pandemike, sipas ekspertëve është një vendim shumë i mirë.
Pandemia e koronavirusit i ka afruar të gjitha familjet. Karantinat brenda shtëpisë dhe prishën ekuilibrin e disa çifteve. Mos u frikësoni! Ekspertët thonë se e gjithë kjo është plotësisht e arsyeshme dhe se kjo verë mund të jetë një “frymëmarrje” nga detyrimet.
Siç konfirmohet nga kompania amerikane e udhëtimeve Embark Beyond, 61% e udhëtimeve verore të rezervuara nga klientët e saj këtë verë ishin vetëm për të rritur dhe jo për fëmijë, krahasuar me 48% në 2019.
Discussion about this post