Detaje të reja kanë dal në pah nga ngjarja e rëndë që u shënua në Greqi, ku një shqiptar vrau gruan e tij. Pas krimit, 40-vjeçari ka lajmëruar policinë dhe ka pranuar krimin. Policia ka shkuar në banesën e çiftit dhe ka gjetur gruan pa ndjenja. Ajo u dërgua me urgjencë në një spital lokal ku mjekët konfirmuan vdekjen e saj. Burri, i cili është shtetas shqiptar, tha se vrau gruan e tij pas një debati të ashpër, teksa mediat greke kanë hedhur dritë mbi ngjarjen.
Mësohet se çifti kishin debatuar gjatë mbrëmjes dhe më pas situata ka degraduar deri në momentin fatal, ku 40-vjeçari i futi duart të fyt bashkëshortes, nënës së dy fëmijëve duke i shkaktuar vdekjen. Ndërkohë mësohet se çifti donin të divorcoheshin.
“Isha i inatosur se më ofendoi. Të më thotë mua ajo për mamanë dhe të më shajë?! E kapa nga fyti dhe e mbyta.”, ky është shpjegimi që autori i vrasjes ka dhënë për uniformat blu.
Por ngjarja bëhet akoma më tragjike, pasi mësohet se dy fëmijët e a bëhet akoma më tragjike, pasi mësohet se dy fëmijët e çiftit, 10 dhe 8 vjeç, ishin në dhomën ngjitur duke fjetur, teksa babai i tyre po dhunonte e më pas vriste të ëmën e tyre.
“Një 40-vjeçar u arrestua në orët e para të ditës së hënë, datë 6 dhjetor 2021, në një komunitet lokal të Bashkisë së Spartës, Lakonia, nga punonjës policie të Drejtorisë së Policisë Evrotas, i akuzuar për vrasje ndaj gruas së tij 36 vjeçare.
40-vjeçari ka pasur një telefonatë në Drejtorinë e mësipërme të Policisë, gjatë së cilës ka njoftuar se pas një sherri që ka pasur me gruan e tij, e ka mbytur me duar. Punonjësit e policisë kanë shkuar në shtëpinë e tyre, ku 36-vjeçari është gjetur pa ndjenja, është transportuar në Qendrën Shëndetësore Vllachioti dhe ka gjetur vdekjen. Hetimet paraprake kryhen nga Departamenti i Sigurisë Sparte” njofton policia greke në lidhje me ngjarjen.
Discussion about this post