Reperi Rigels Rajku, i njohur nga të gjithë si Noizy, ka qenë qendra e vëmendjes këtë periudhë. Shkak është bërë sherri me reperin Kleviol Ahmenti. Mirëpo pas qetësimit të situatës në ditët në vijim, reperi me anë të postimeve të tij tregonte se gjithçka ka mbetur pas dhe se është i fokusuar te projektet e tij të reja.
Dy javë më parë, Noizy ka lajmëruar se do të zhvillojë koncertin më të madh të “hip hop”-it në Shqipëri në muajin gusht. Do të jetë një koncert madhështor, ku përveç reperit do të performojnë edhe shumë artistë të njohur, miq të tij. Emra të tillë si Loredana, Yll Limani, Ledri Vula, Xhensila Myrtezaj, Dhurata Dora, Ghali, Buta, Lyrical Son, Mc Kresha e shumë të tjerë priten të ndezin “Air Albania” më 14 gusht. Ju kujtojmë që në lançimin e këtij projekti, Noizy tregoi se koncerti do të ketë një kapacitet shumë të madh, si dhe artistë specialë kombëtarë dhe ndërkombëtarë.
“Ju premtoj që do të jetë koncerti më i madh hip hop në Shqipëri, s’ia keni idenë se farë përmasash do të ketë ky koncert, si nga kapaciteti i njerëzve deri te të ftuarit e mi specialë, shqiptarë dhe internacionalë, a jeni gati për në gusht?”, shkroi reperi në një postim në rrjetin social Instagram. Por ajo që bie në sy te ky koncert është pjesëmarrja e Ledrit.
Kujtojmë se dy reperat vite më parë janë përfshirë në një sherr të ashpër. Të gjithë e mbajmë mend vite më parë, kur Noizy ka ndryshuar vargjet e këngës duke iu drejtuar Ledri Vulës
“Nusen tane ta ka… krejt estrada, yeh yeh yeh, a po t’dhem tash o ledri gaga, ha ha ha” e duke ndezur kështu sërish një konflikt të mundshëm mes tij dhe Ledrit.
Por duket se tashmë gjithçka i përket së shkuarës dhe dy reperat jo vetëm që kanë bërë paqe, por edhe do të bashkëpunojnë. Reperi kosovar ka pranuar ftesën për të interpretuar krah Noizyt në koncertin që ai do të mbajë. Mbetet për t’u parë nëse mes dy artistëve të suksesshëm do të ketë edhe një bashkëpunim në muzikë.
Discussion about this post