Sot uniformat blu janë vënë në aksion në disa qarqe për të goditur rastet e kultivimit të kanabisit, ndërsa paraditen e sotme destinacion ishte Vlora. Kështu nëpërmjet një njoftimi për shtyp policia bën me dije se në pranga ka rënë S. B., 63 vjeç, pasi gjatë kontrollit në banesë dhe në stanin e tij, u gjetën të kultivuara fidan të dyshuar cannabis sativa.
Po ashtu prangave të policisë nuk u ka shpëtuar as shtetasi M. S., 37 vjeç banues në Tiranë, pasi Gjykata e Shkallës së Parë Vlorë ka vendosur masën e sigurisë “Arrest me burg” për veprat penale “Prodhimi dhe shitja e narkotikëve” dhe “Kultivim i bimëve narkotike”.
Sakaq, blutë kanë bërë të mundur edhe arrestimin e A. K., 38 vjeç, banues në Fushë-Krujë, pasi duke drejtuar automjetin, në aksin rrugor Vlorë-Orikum, ka aksidentuar këmbësoren, shtetasen e mitur A. S, e cila ndodhet jashtë rrezikut për jetën.
