Barazimet e Manchester Cityt në dy takimet e fundit kundër Nottingham Forest në Premier League dhe në Champions League ndaj Leipzig, kanë lënë një shije të hidhur në radhët e The Citizens.
Në lidhje me këtë ecuri negative ka folur, legjenda e Manchester United, Rio Ferdinand i cili beson se mungesa e vazhdimësisë te ky ekip vjen prej ndryshimeve të shumta që trajneri Pep Guardiola bën në mbrojtje. Ndryshimet e shpeshta të skemës, por edhe emrave të përveçëm në këtë repart janë ngërçi kryesor.
“Të gjithë skuadrat që kanë pasur sukses në vitet e fundit kanë pasur vazhdueshmëri në mbrojtje. Për momentin te City diçka e tillë nuk po ndodh, ata ndryshojnë çdo javë. Ndoshta prej problemeve me dëmtimet, por unë shoh që kjo vjen edhe prej zgjedhjeve të Guardiolës.
Historia tregon se një skuadër ka nevojë që në mbrojtje të luajnë të njëjtët lojtar. Mendoj se duhet të ndryshojnë sjellje nëse kërkojnë të fitojnë”, u shpreh Ferdinand.
Discussion about this post