Nënkryetari i Komisionit të Sigurisë Kombëtare, Ferdinand Xhaferaj, me tone të ashpra ka reaguar sot ndaj raportimit që bëri Gledis Nano për nivelin e krimit në Shqipëri. Sipas Xhaferajt, deklarata e Nanos ishte e koduar, pasi në të vërtetë ka treguar se policia sot ndodhet në mjerim. Këto Xhaferaj i ka lidhur me ndryshimet e fundit në polici dhe me urdhrin e dhënë për të paguar orët shtesë të policisë. “I tha se do merrni vesh për Ardi Veliun se kur do i mbarojë vaji i kandilit. Duke ju dhënë mesazhin se vajin e kandilit e kam unë. Ju e komentuat duke mos e komentuar. Në Fier u vra një biznesmen. Një grabitje në Nikël dhe ai tha se nuk kam besim ke policia. Më mbrapa pati një vrasje. Më pas vrasje të tjera. Shohim arrogancë krimi për të mos llogaritur prezencën e policisë. Ju dhatë urdhër që drejtorët të bien evidencë për pagesat jashtë orarit. Ke dhënë mesazhin se ke gjetur polici në mjerim. Keni parë të domosdoshëm testin e drogës”, u shpreh ai.
Ndërkohë mesazhin tjetër të Gledis Nanos, Xhaferaj e ka lidhur me urdhrin e dhënë për të kryer testin e drogës ndaj efektivëve. Kjo sipas tij konfirmon se policia është e shthurur dhe e komanduar nga mafia dhe e kapur nga shtetit. “Ke gjetur një polici të shthurur. Pse kemi humbur besimin. Krimi na ndëshkon policia transferon. Policia nuk ndëshkon se kontrollohet nga policia. Ku është përgjigjja tek vaji i kandilit. Policia është me krimin e organizuar. Policia ka humbur besimin tek Qeveria. Ato që punojnë në Shkodër dhe kënaqet nga shpërblimi dhe shikon tender për kapele me flori. Ju keni kontribute pozitive dhe i keni shërbyer këtij shteti. Keni vetëm një mundësi denonconi publikisht politikën. Le t’ju shkarkojnë binomi Rama-Çuçi, t’i denoncojë” tha Xhaferaj, ndërsa theksoi se vetëm gjatë 2021 krimi në Shqipëri është rritur më shumë nga se raporton Nano, duke theksuar si problem kryesore veprimtarinë e shtuar të organizatave kriminale.
Discussion about this post