Teksa fermerët çdo ditë shprehen të shqetësuar se janë në prag falimentimi, për shkak të mungesës së tregut për prodhimet e tyre, Ministrja e Bujqësisë Frida Krifca deklaron se vetëm situata e grurit është nën kontroll.
Ajo shprehet se nuk ka vend për shqetësim për ndonjë krizë të mundshme gruri, nisur kjo dhe nga situata globale si rezultat të luftës në Ukrainë.
Krifca tha se vazhdimisht monitorohen tregjet ndërkombëtare, ndërsa po rriten gjithnjë e me shume sipërfaqet e prodhimit të grurit në vend.
Lidhur me rritjen e çmimeve të imputove bujqësore që ka ndikuar dhe tek kostot e prodhimit te fermerët, ministrja e bujqësisë shtoi se këta të fundit janë ndihmuar me skema mbështetëse, por sigurisht ku nuk mund të jetë një mbulim 100%.
Ajo tha se buxheti për fermerët ketë vit është më i larte i akorduar ndonjëherë në këto 30 vite, 37 milionë dollarë mbështetje te drejtpërdrejtë.
Discussion about this post