Pas përplasjes së ashpër me policisë, fermerët e Lushnjës kanë paralajmëruar një tjetër protestë që do të mbahet ditën e hënë. Këtë herë fermerët do i drejtohen qeverisë me disa kërkesa të reja.
Ata kërkojnë një zgjidhje për problematikat e tyre lidhur me mbështetjen e munguar nga qeveria dhe mungesa e tregut për të shitur prodhimet e tyre bujqësore, pasi kanë përfunduar duke u kalbur nëpër kanale apo kanë mbetur stoqe nëpër magazina. Qeveria nuk dha asnjë reagim për protestën që u zhvillua disa ditë më parë, kështu që fermerët kanë thirrur një tjetër protestë që synohet të jetë paqësore dhe do të mbahet ditën e hënë më datë 15.11.2021 në orën 11:00- 14:00 në bulevardin kryesor të qytetit të Lushnjës.
Siç bëjnë me dije fermerët, protesta ka për synim të sensibilizojë qeverinë dhe opinionin publik për ndryshimin e Paketës Fiskale 2022 në fushën e bujqësisë si dhe të merren në konsideratë gjashtë kërkesat e dërguara nga “Shoqata e Eksportuesve të Fruta Perimeve”, “Këshilli i Agrobiznesit Shqiptar” dhe “Sindikata e Fermerëve të Bashkuar”. Fermerët shprehen se qeveria ka detyrim ligjor që të konsultohet me grupet e interesit para se të ndryshojë Paketën Fiskale.
Discussion about this post