Protestat e fermerëve në Greqi vazhdojnë për të dytën ditë sot, të hënën, ndërsa autostrada kombëtare Athinë-Selanik mbetet e mbyllur në Nikaia. Autostrada E65 mbetet gjithashtu e bllokuar nga traktorët e fermerëve të Karditsës, të cilët janë pozicionuar përgjatë rrugës që nga dita e djeshme.
Fermerët thonë se janë të vendosur të vijojnë bllokadën derisa të marrin përgjigje për kërkesat e tyre dhe kanë planifikuar një mbledhje pasdite për të vendosur për hapat e ardhshëm të protestave.
Një tjetër bllokim pritet të bëhet sot në lindje të Selanikut, ndërsa bujqit e Trikalës do të vendosin një tjetër bllokadë të mërkurën në qarkun e Megalohoriut.
Përplasje dhe dhunë gjatë protestave
Në ditën e parë të protestave, pati tensione dhe përplasje. Fermerët po protestojnë për shkak të rritjes së kostove të prodhimit, çmimet e ulëta dhe vonesat në pagesat nga OPEKEPE.
Në Nikaia, ata tentuan të largojnë policinë dhe të mbyllin rrugën, duke përdorur mjete të ndryshme. Po ashtu, në Platykampo, ata u përpoqën të ngrinin një furgon policie dhe të largonin një makinë patrullë. Kjo çoi në përplasje me policinë, që përdori gaz lotsjellës.
Si pasojë e përplasjes, tre bujq u arrestuan dhe katër persona u plagosën, dy prej tyre fermerë dhe dy policë. Një grup bujqsh nga Nikaia shkoi përpara drejtorisë së policisë në Larisa për të kërkuar informacion mbi të arrestuarit.
Bujqit kanë bllokuar hyrjen në komisariat dhe kërkojnë lirimin e menjëhershëm të fermerëve të arrestuar. Ata kanë paralajmëruar se sot, e hënë, do të shkojmë në Gjykatën e Larisës për të kërkuar lirimin e tyre.
Në mbrëmje do të mbahet një mbledhje në Nikaia për të vendosur për hapat e ardhshëm të protestës.
Discussion about this post