Ministja e Bujqësisë, Frida Krifca nga foltorja e Kuvendit është shprehur se ky ka qenë një vit i mirë për fermerët dhe blegtorët, pasi “bujqësia dhe blegtoria kanë pësuar rritje”. Sipas Krifcës, prodhimi i grurit dhe misrit ka qenë i mbarë, ndërsa shifrat janë në rritje. Krifca nuk ka përmendur ankesat e fermerëve se nuk ka treg për shitje dhe se në çdo vit detyrohen të hedhin produktet.
“Prodhimi bujqësor në vend ka vijuar të rritet… Prodhimi i grurit ka qenë i mbarë. Sipërfaqja e mbjellë me misër është më e lartë nga vitet e shkuara. Vijon korrja e grurit, po ndjekim nga afër dinamikën e funksionimit të tregut….Pavarësisht krizave, bujqësia shqiptare vijon të tregojnë qëndrueshmëri të lartë kemi konsolidim të mëtejeshëm të fermave.”
Krifca tha se ka pësuar rritje dhe prodhimi i perimeve, bimëve mjekësore dhe aromatike, Të gjitha këto, sipas ministres kanë ardhur si rrjedhojë e politikave të ndjekura nga qeveria.
“Vit i mirë për fermerët dhe në prodhim dhe në çmim. Nuk ka ndodhur vetëvetiu po rrjedhojë investimeve strategjike të ndërmarra nga qeveria gjatë viteve të fundit. Blegtoria mbulon mbi 97 për qind të nevojave të vendit për qumësht e nënproduktet. Është rritur numri i fermave të mesme e të mëdha.”-u shpreh Krifca.
Discussion about this post