Fermerët në Shqipëri po përballen me një krizë të madhe financiare, ku tashmë janë në prag falimenti. Në një gjendje të tillë, ata u ngritën në protestë ditën e sotme. Në këtë kohë, ministrja e bujqësisë në vendin tonë, Frida Krifca mburret duke pohuar se SHBA importon 70% të produkteve nga Shqipëria. Në anën tjetër fermerët nuk kanë bërë asnjë shitje, gjithashtu nuk kanë marrë asnjë mbështetje nga shteti. Të njëjtat shifra duket se i ka bërë publike dhe ambasadorja e SHBA në Shqipëri, Yuri Kim. Në një foto të postuar në rrjetin social “Twitter”, ambasadorja Kim shkruan: “ U takova më ministren e bujqësisë dhe biseduam për bashkëpunimin mes dy shteteve, në këtë sektor të rëndësishëm. Ramë dakord, që të shihen mundësitë në mënyrë që t’i japim zhvillim tregtisë dhe investimeve”. Ndër të tjera Kim njofton se 70% e importeve të SHBA, është pikërisht nga Shqipëria, por duket se këtë shifra të saj, nuk kanë aspak lidhje me realitetin me të cilin përballet Shqipëria. Duket se situata në vendin tonë, është krejtësisht e kundërt në atë çka ministrat bëjnë me dije, duke përmendur arritjet e qeverisë.
Sot fermerët në vend u ngritën në protestë, ku kërkojnë kompensim nga ana e shtetit për farat të cilat atyre u kanë dalë jashtë përdorimit për shkak se Autoriteti Kombëtar i Ushqimit i cilësoi ato si të dëmshme.
