Testet dimërore të Formula 1 të zhvilluara si në pistën e Barcelonës ashtu dhe në ato të Losail (Bahrein) treguan se Ferrari këtë sezon do të jetë protagonist. I këtij mendimi është edhe piloti spanjoll i “kokëkuqes” Carlos Sainz.
“Kemi bërë mjaft hapa përpara. Jemi gati për të dielën dhe për garën e parë. testet dimërore ishin shumë pozitive për ne. E rëndësishme ishte të zhvillonim sa më shumë kilometra dhe morën përgjigje pozitive”, tha Sainz.
“Mendoj se në ritmin e garës jemi njësoj me rivalët, ndërkohë që për t’u parë është xhiro e shpejtë. Gjithsesi, ky është një vit me rregulla të reja dhe do të shohim se si do të paraqiten makinat në garë”, u shpreh më tej spanjolli.
“Nuk jemi më të mirët këtë sezon, por jemi gati për betejë. Janë makina më të vështira për t’u pilotuar dhe do të duhet ende pak kohë për t’u përshtatur ashtu si duhet. Të shohim se si do të paraqiten edhe rivalët”, tha Sainz.
Discussion about this post