Që në orët e para të mëngjesit, besimtarë të shumtë kanë mbërritur në Manastirin e Shën Vlashit në Durrës.
Qirinj, lutje dhe urime shoqërojnë këtë ditë dedikuar Fjetjes së Hyjlindëses Mari, ditë e shënuar për besimtarët orthodhoksë, po jo vetëm ata.
Për besimtarët, 15 gushti, i njohur edhe si “Pashka e verës”, është një ditë lutjesh, falënderimi dhe bashkimi, një traditë që përcillet brez pas brezi.
Pas dy javësh kreshmë dhe përgatitjeje shpirtërore, kjo ditë sjell në Shën Vlash besimtarë, jo vetëm ortodoksë, që i bashkohen ceremonive dhe lutjeve të kësaj feste.
Manastiri i Shën Vlashit mbetet një prej vendeve të rëndësishme të pelegrinazhit në zonën e Durrësit. Kisha e manastirit mendohet se i përket shekullit XVI, ndërsa ndër breza ky vend ka ruajtur lidhjen e fortë të besimtarëve me lutjen dhe festat fetare.
Në këtë 15 gusht, tradita vijon edhe në qendra të tjera të besimit në qytet. Shërbesat për Fjetjen e Hyjlindëses Mari po zhvillohen edhe në Katedralen e Shën Pavlit dhe Shën Astit në Durrës.
gijotina.com/
Discussion about this post