Me rastin e festimit të ditës së flamurit dhe festës kombëtare shqiptare, bashkia e Athinës ka vendosur që sheshi me simbolikë të madhe për mijëra emigrantë shqiptarë “Omonia” të ndriçohet kuq e zi.
Vetë kryetari i bashkisë, Kostas Bakojanis, ka propozuar këtë ide në respekt të komunitetit më të madh të emigrantëve që jetojnë në Greqi. Kjo është hera e parë që bashkia e kryeqytetit helen vlerëson një komunitet emigrantësh që jetojnë në vend.
Nga ana tjetër, dhjetëra shqiptarë që jetojnë e punojnë në Selanik, përfaqësues të lartë të autoriteteve vendore, përfaqësues të shoqatave shqiptare dhe, trupi diplomatik dhe konsullor akredituar në Selanik kanë marrë pjesë në ceremoninë e festës së 28 Nëntorit, Ditës së Flamurit dhe të Pavarësisë që ka organizuar në Selanik Konsullata e Përgjithshme e Republikës së Shqipërisë. Të pranishmit kane dëgjuar të emocionuar Himnin Kombëtar të Shqipërisë dhe fjalimin e Konsullit të Përgjithshëm në këtë qytet, Arqile Sota.
Discussion about this post