Mbrëmjen e sotme, kombëtarja shqiptare do të përballet me atë çeke, ndeshje e vlefshme për kualifikueset e EURO 2024.
Përballja do të luhet në “Fortuna Arena” të Pragës, ndërkohë që do gjykohet nga arbitri anglez Taylor.
Drejt Pragës, në mbështetje të kombëtares kuqezi, kanë udhëtuar disa qindra tifozë shqiptarë, që duket se kanë elektrizuar kryeqytetin e Çekisë.
Video e mëposhtme tregon disa nga momentet festive, në prag të sfidës, ku një grup tifozësh nuk ndalen me këngë patriotike, duke krijuar kështu një atmosferë fantastike.
Shqipëria renditet në vendin e dytë me 6 pikë, një pikë më pak se Çekia.
Sonte luhet gjithashtu edhe ndeshja tjetër e grupit, ku Polonia do kërkojë suksesin ndaj Ishujve Faroe.
Discussion about this post