Festat e fundvitit kanë rritur ndjeshëm numrin e shtetasve shqiptarë që rikthehen në vendlindje për të kaluar ditët festive.
Sipas informacioneve nga policia kufitare mësohet se gjatë 24-orëve të fundit në pikën e kalimit kufitar të Kapshticës janë regjistruar 6303 hyrje dhe 2444 dalje.
Për të përballuar këtë fluks ne rritje të qytetarëve që hyjnë ne vendin tone pala shqiptare ka rritur numrin e sporteleve duke i alternuar me pas ne varësi te situatës .
Ndërkohë, ajo që bëhet e ditur nga autoritetet doganore është se fluksi me i larte pritet të regjistrohet në Vigjilje të Krishtlindjes e më pas në ditët e fundit të vitit.
Edhe Vlora po përjeton një rritje të ndjeshme të fluksit të emigrantëve dhe turistëve, teksa trageti i linjës Vlorë-Brindisi solli sot 1,015 pasagjerë dhe 176 automjete në portin e qytetit.
Mbërritjet shënojnë një intensifikim të lëvizjeve në prag të festave të fundvitit, kur emigrantët rikthehen për të kaluar kohë me familjet e tyre dhe turistët zgjedhin të vizitojnë bregdetin shqiptar për pushime.
Autoritetet portuale kanë marrë masa për të përballuar rritjen e fluksit dhe për të siguruar një përvojë të qetë për të gjithë udhëtarët.
Discussion about this post