Festë e madhe në Kavajë, Fisnik Qosja i BF kryeson

Kandidati i koalicionit opozitar, Fisnik Qosja po kryeson bindshëm garën për kryetar të bashkisë së Kavajës.

Kur kanë mbetur edhe 23 kuti për t’u numëruar, Qosja kryeson me 730 vota përballë rivalit socialist, Redjan Krali.

Kjo diferencë e ndjeshme ka bërë që në kampin opozitar të shpërthejë festa në rrugët e qytetit të Kavajës.

Qytetarët kanë shpërthyer me thirrje si “Poshtë komunistët” dhe “O Fisnik o hero, gjithë Kavaja ty të do”.

Qosja tha se kjo është një fitore tepër e rëndësishme. Ai tha se Kavaja voton demokracinë, edhe pse në vend mbizotëron diktatura.