Sabiani gjatë rrugëtimit në Big Brother VIP, u dallua për karakterin e tij të qeshur dhe miqësor. Ai krijoi raporte shumë të mira me thuajse të gjithë banorët, por në veçanti me Ilirin të cilin e konsideronte si vëlla dhe me këngëtaren e dashur për publikun, Fifin.
Dy artistët kanë një marrëdhënie të shkëlqyer që e kanë ruajtur edhe pas daljes nga formati. I ftuar ditën e sotme në “Wake Up”, këngëtari u pyet se me cilin nga ish-banorët do bashkëpunonte. Ai tha se ishte i hapur për të gjithë dhe se nuk do thoshte ‘Jo’ por, veçoi Fifin.
“Do kisha bërë një bashkëpunim me Fifulën. Kam një marrëdhënie shumë të mirë. Nuk kemi gjë konkrete por pse jo në të ardhmen nuk i dihet.”- kështu u shpreh Sabiani.
Sabiani u pyet edhe lidhur me këngën e Beatrix. “Më shumë se ti”, dhe nëse iu duk një dedikim për Donaldin.
“Nuk ishte Beatrix vetë autore. Mua më pëlqeu performance dhe produksioni. Sa për dedikimin nuk e di.”- u përgjigj shkurt ai.
Mirëpo, përveç ish-banorëve që ka një lidhje të ngushtë, me Monikën nuk i ka patur shumë mirë punët. Kjo e fundit realizoi një festë ditëlindjeje dy ditë më parë, ku ra në sy mungesa e Sabianit mes të ftuarve të tjerë.
Mirëpo, duket se këngëtari nuk ka marrë një ftesë. Nëse aktorja do e kishte ftuar, Sabiani tha se nuk do e refuzonte. Madje, ai zbuloi se ata janë takuar dhe janë përqafuar në ditëlindjen e Big Mamës.
“Nuk isha në ditëlindje sepse nuk më ka ftuar. Nuk kemi komunikuar. Jemi takuar te ditëlindja e Big Mamës jemi përqafuar. Nëse do më ftonte do shkoja.”- u shpreh këngëtari.
Mes shumë të ftuarish, pjesë e festës së Monikes ishin edhe shumë figura të njohura për publikun si aktorja Jonida Vokshi, Olta Gixhari, kengëtarja Jonida Mailiqi dhe moderatoja Roza Lati, Sheila Haxhiraj, Sarah Berisha, moderatorja Einxhel Shkira dhe dy mikeshat e saj më të ngushta aty brenda gazetarjen Rudina Demneri (Paloma) dhe aktoren Arjola Demiraj.
Discussion about this post