Spektakolare mund të cilësohet ndeshja e javës së parë të Superligës midis Laçit dhe Vllaznisë. Shkodranët ia dolën që pas 7 vitesh vuajtje të rikthejnë fitoren në shtëpi.
Me 8 gola është mbyllur kjo sfidë, ku kuqeblutë arritën të merrnin fitoren e shumëpritur me rezultatin 3-5.
Sulmet dhe kundërpërgjigjet kanë qenë shumë të shpejt nga të dyja polet, ndërsa ishin kuqeblutë ata që shënuan të parët me Latifin në minutën e 11-të të lojës përmes një penalltie të dhënë nga VAR.
Minuta e 24-të e lojës dyfishoi rezultatin për shkodranët me anë të Da Silvas. Për të ardhur pas 11 minutave edhe kundërpërgjigja nga vendasit që me anë të Zarubicës, i cili vetëm 4 minuta më pas dyfishoi rezultatin e tij dhe të skuadrës, duke barazuar kundërshtarët.
Ndërsa në minutën e 41-të të kësaj sfide Vllaznia do të merrte sërish avantazhin me anë të Aralicës, duke e bërë ndeshjen më interesante.
Megjithatë ky gëzim i miqve nuk zgjati shumë, pasi në minutat shtesë të pjesë së parë Laçi mori situatën në kontroll dhe barazoi sërish me anë të Lushkjas
Fraksioni i dytë i këtij takimi do të sillte sërish gol që në minutat e para. Vllaznia mori sërish avantazhin ndaj Laçit në minutën e 47-ë të ndeshjes, kohë në të cilën Gurishta do të shënonte golin e parë të tij për sezonin e ri.
Ndërsa në minutat shtesë të ndeshjes shkodranët shkatërruan kundërshtarët me golin e 5-ë/Gijotina.com
