Kombëtarja e femrave ka siguruar një fitore shumë të rëndësishme 5-0 ndaj Armenisë në sfidën e vlefshme për kualifikueset e kampionatit europian. Në ndeshjen e zhvilluar në stadiumin “Air Albania”, Shqipëria ishte dominuese përgjatë gjithë takimit. Doçi dhe Demiri realizuan nga një dopietë personale në këtë përballje ndërsa Lufo vulosi fitoren e kuqezinjve. Sfida u zhbllokua nga Megi Doçi që realizoi nga një distancë shumë e largët golin e parë. Më pas kapitenja asistoi për Demirin që dyfishoi shifrat përpara se të shënonte dopietën personale në minutën e 44.
Në startin e pjesës së dytë Demiri realizoi edhe golin e katër për Shqipërinë që ishte dominuese absolut në këtë sfidë ndaj armeneve. Në fundin e takimit la gjurmë edhe Lufo që dërgoi shifrat në 5-0. Një sukses shumë i rëndësishëm i Shqipërisë ndaj një kundërshtari të një niveli më të ulët. Pritshmëritë për Shqipërinë nuk janë shumë të larta pasi rivaliteti në grup është shumë i madh.
