Të gjithë janë habitur nga mënyra sesi braziliani Vitor Feijao ka festuar pasi ka shënuar gol ndaj Teutës në ndeshjen e javës së katërt të Superligës.
Sulmuesi barazoi përkohësisht rezultatin e ndeshjes, por që në fund Teuta ia doli të fitonte me shifrat 2-3.
Braziliani e festoi golin duke bërë shqiponjën me duar, teksa në faqen e Kukësit është sqaruar edhe ky veprim.
“Jam shumë i lumtur për golin por më shumë do të doja që të ndihmoja ekipin për të marrë pikë. E festova golin me simbolin e flamurit shqiptar. E dua shumë Shqipërinë. Që nga dita e parë që kam ardhur, jam ndjerë si në shtëpinë time dhe Shqipëria ka zënë një vend në zemrën time. Festimi me shqiponjë ishte për të gjithë tifozët e Kukësit por edhe për të gjithë shqiptarët. Faleminderit për respektin dhe dashurinë që më keni dhënë. E dua Shqipërinë”,-tha Vitor Feijao.
Pas javës së katërt Kukësi humbi kreun e tabelës dhe aktualisht renditet në vend të tretë me 7 pikë, pas Tiranës dhe Teutës./K.T/Gijotina.com
