PSG fitoi pastër 2-0 ndaj Reims ku Kilian Mbappe ishte heroi i ndeshjes.
Që në fillim shënoi me kokë pas një krosi të Di Maria, kurse në pjesën e dytë shënoi edhe golin e qetësisë. Nuk mungoi as Messi në fushë, i cili u fut në vend të Nyemar (66′).
Milani dhe Roma arritën fitore respektive në javën e dytë të serie a.
Tonali me goditje dënimi zhbllokoi rezultatin, por Deiola i skuadrës nga Sardenja vendosi baraspeshën. Milani u hodh në sulm dhe për 10 minuta shënoi edhe dy gola të tjerë, me Leao dhe Giroud. Ky i fundit realizoi edhe të katërtin me penallti.
Ndryshe nga Milani, Roma i realizoi 4 golat ndaj Salernitana në pjesën e dytë. Lorenzo Pellegrini e hapi dhe e mbylli shfaqjen, ndërkohë që për verdhekuqtë e Mourinho realizuan edhe Veretout dhe Abraham. Për anglezin ishte goli i parë në Serie A.
