Këngëtari i njohur shqiptar Aleksandër Gjoka feston ditën e sotme ditëlindjen e tij të 65-të. Gjoka ka marrë surprizën e veçantë nga një grup fansash mbrëmjen e djeshme kur po performonte një një lokal në qytetin e Elbasanit pasi ishte i ftuar për “Natën e Verës”.
Ai ka fryrë qirinjtë e tortës duke festuar bashkë me fansat e pranishëm.
Mes duartrokitjesh dhe urimesh këngëtari i ka falënderuar dhe ka vazhduar të dhurojë një spektakël të paharrueshëm.
Kujtojmë se Aleksandër Gjoka,është një artist që ka ditur të ruajë vlerat e muzikës së mirëfilltë shqiptare, me zërin e tij karakteristik që herë pas here është quajtur si Vasco Rossi shqiptar. Gjoka nuk numëron shumë klipe, por klikimet e këngëve të tij as që i sheh fare, sepse siç ndodh gjithmonë për një artist të madh, ata janë përherë modest, përherë të heshtur përpara kompromiseve të të qënit shumë të ekspozuar si të famshëm.
Discussion about this post