Gazetari Blendi Fevziu ka deklaruar se kryedemokrati Lulzim Basha duhet të japë dorëheqjen. I ftuar në Klan News, Fevziu u shpreh se rezultati i 6 marsit bëri që të ishte më skandalozi në këto 32 vite të PD-së në vend. Ai shtoi se as Basha dhe as PD-ja, nuk mund të vendosin si kusht largimin e ish-kryeministrit Sali Berisha nga PD-ja, pasi sipas tij largimi i Bashës e çon topin direkt te Berisha.
Duke përjashtuar mundësinë që Basha dhe Berisha të jenë bashkë, Fevziu tha se nuk do të largohen të dy. Ndërsa theksoi se Berishës nuk mund t’i vendoset kusht për largim.
“E para njëherë duhet të japë Basha dorëheqjen, sepse ka një rezultat skandaloz të PD, që ka dalë e treta në 32 vite të ekzistencës së saj. Largimi i Bashës hap një diskutim tjetër për qëndrimin ndaj Berishës. Këtu mund të negociohet, por nuk mund t’i vihet kusht. Nuk mund ta vendosë kusht as Basha as PD largimin dhe të Berishës të cilin e kanë përjashtuar nga PD me deklaratë publike dhe me votim. Kanë ngritur duart të gjithë. Largimi i Bashës e çon topin tek Berisha. Këtu pastaj fillon një negocim tjetër, ose do të negociohet që ndoshta zoti Berisha të mos kandidojë, ose të gjendet një zgjidhje tjetër, duke menduar që një zgjidhje e tretë mund të ishte më afatgjatë, një shikim më afatgjatë i PD. Kij parasysh që këtu jemi në terrenin e analizën sesi do të ishte më e mira për PD, por më e drejta do të ishte ta vendoste vota. Unë mund të dua njërin apo tjetrin, ju mund të doni njërin apo tjetrin, në demokraci kjo dilemë zgjidhet shumë kollaj. Votë e fshehtë, e lirë, e drejta e gjithsecilit për të kandiduar dhe zgjidhet.
Discussion about this post