Milan ka nisur negociatat me Feyenoord mbi transferimin e mundshëm të Santiago Gimenez. “Voetbal International”, media holandeze, raporton se oferta e parë që Milan i ka dërguar Feyenoord, ka qenë 20 milionë euro, shifër shumë larg pritshmërive të klubit holandez.
Kjo ofertë e kuqezinjve është konsideruar si “fyese” nga Feyenoord, që pret të dëgjojë oferta 35-40 milionë euro për golashënuesin meskikan.
Drejtuesit e Milan-it kanë sugjeruar që oferta e tyre 20 milionë euro të jetë e shpërndarë në 4 këste si dhe klubi holandez të mbajë një vlerë prej 10 për qind të shitjes së sulmuesit në të ardhmen.
Milan ka afat deri në 3 shkurt për të përmirësuar ofertën e tyre dhe të bindin Feyenord për të lënë të lirë Santiago Gimenez, meiksani i cili ka shënuar 15 gola në 18 ndeshje këtë sezon.
Discussion about this post