Një tjetër rast i dhunës në familje shënohet në vend. Burime nga policia për gijotina.com bëjnë me dije se një 54-vjeçar është arrestuar nga policia pasi ka ushtruar dhunë ndaj nënës së tij. Bëhet fjalë për personin e identifikuar me iniciale A. Sh., 54 vjeç., i cili pritet të përballet me akuzën për këtë vepër penale.
Pritet që detaje të reja të zbardhen nga ngjarja pas marrjes në pyetje të të moshuarës.
Sakaq kujtojmë se një ditë më parë një grua që jeton në Kamëz, Hava Kurti është dhunuar nga djali i saj 16- vjeçar. Nëna jeton në kushte të vështira ekonomike, dhe banesa e saj është thuajse e prishur. “E kapi policia, kam qëndruar deri vonë se nëna për fëmijën digjet”, tha Hava e cila nuk jeton dot pa djalin. Por sërish ka një kërkesë për policinë: “Mos ma ktheni, mbajeni derisa ti vijnë mend e kokës”.
Së fundmi rastet e dhunës dhe dhunës seksuale në vend po arrijnë shifra alarmante. Vetëm pak ditë më parë janë shënuar mbi 4 raste të viktimave që kanë rënë pre e dhunës seksuale.
Discussion about this post