Dy adoleshentë janë përfshirë në një aksident që fatmirësisht nuk ka shkaktuar viktima në Fier. Një 15-vjeçar, i cili kishte marrë një motor pa pasur leje drejtimi, ka përplasur një 14-vjeçare që udhëtonte me biçikletë.
“Specialistët e Sektorit të Qarkullimit Rrugor në DVP Fier referuan materialet në Prokurori dhe filloi procedimin penal në gjendje të lirë për një shtetas 15 vjeç, banues në Roskovec, pasi duke drejtuar pa leje drejtimi motomjetin tip “Yamaha”, në aksin rrugor Jogodinë-Marinzë, është përplasur me një biçikletë që drejtohej nga një shtetase 14 vjeçe, e cila u dëmtua dhe ndodhet në spital jashtë rrezikut për jetën”, bëri me dije policia.
Ndërkohë efektivët e policisë në Komisariatin e Policisë Fier referuan materialet në Prokurori dhe nisi procedimi penal në gjendje të lirë për A. D., 44 vjeçe për veprën penale “Përdorimi me keqdashje i thirrjeve telefonike”.
Dyshohet se për motive të dobëta, ajo ka kërcënuar nëpërmjet telefonit H. D., 48 vjeç. Materialet i kaluan Prokurorisë, për veprime të mëtejshme procedurale.
Discussion about this post