Një aksident automobilistik është regjistruar pasditen e kësaj të diele në Fier.
Raportohet se aksidenti ka ndodhur në rrugën kryesore të qytetin, në lagjen “Konferenca e Pezës”, në afërsi të shkollës së muzikës.
Në aksident, janë përfshirë tre mjete, duke shkaktuar dëme të shumta materiale.
Policia ndodhet në vendngjarje, ku po heton aksidentin, por edhe po orienton trafikun e mjeteve të tjera që janë bllokuar.
Ambulanca ka marrë 2 persona që kanë mbetur të lënduar, ndërsa raportohet, se gjendja e tyre është jashtë rrezikut për jetën.
