Fier/ Çantë e dyshimtë në mes të qytetit, policia “blindon” zonën

Një tjetër çantë e dyshimtë është evidentuar në qendër të qytetit të Fierit e lënë në karriget e një biznesi në lagjen “15 tetori”.

Policia ka shkuar në vendngjarje dhe ka rrethuar rrethuar zonën. Është vendosur kordon sigurie dhe forca policore ndodhen në gjithë perimetrin e lokalit. Mësohet se çanta është e zeze dhe është lënë në një nga karriget e pozicionuara anash biznesit.

Kujtojmë se, disa ditë më parë një tjetër çantë e dyshimtë ngriti në këmbë qytetin dhe vetëm pas kontrollit të policisë, u tha se çanta ishte harruar nga punonjësit e bashkisë që pastrojnë qytetin gjatë natës.