Krimet në familje janë rikthyer këtë fundjavë, ku djali ka plagosur me thikë babanë e tij. Ngjarja e rëndë ka ndodhur në Levan të Fierit, ndërkohë që policia ka vënë në pranga autorin e dyshuar të plagosjes.
Burimet policore të Fierit bënë me dije se kanë marrë njoftim që në Levan kishte ndodhur një konflikt në familje dhe për pasojë djali kishte plagosur babin e tij me thikë. Shërbimet e policisë kanë shkuar menjëherë në vendngjarje, duke vënë në pranga të dyshuarin Sokol Vruzhaj 48 vjeç, i cili vuan nga probleme të shëndetit mendor.
Sipas policisë, gjatë një konflikti në familje, 48-vjeçari kishte goditur me thikë në banesë babain e tij 80-vjeçar Deli Vruzhaj.
Policia tha se menjëherë është kërkuar ndihma e institucioneve mjekësore, ndërkohë që mësohet se kjo nuk është hera e parë që ka pasur konflikte në këtë familje.
