Në fshatin Muajalli të Fierit raportohet se është gjetur një trup i pajetë. Sipas informacioneve paraprake raportohet se trupi i pajetë është gjendur në një kanal me ujë. Nuk dihet ende se prej sa kohësh ndodhej aty, por mësohet se trupi është i dekompozuar dhe i përket seksit mashkull. Viktima nuk është identifikuar ende.
Ndërkohë në vendngjarje ka shkuar grupi hetimor, i cili po punon për nxjerjen e personit të mbytur nga kanali, si dhe për identifikimin e tij. Gjithashtu po punohet dhe për zbardhjen e rrethanave të ngjarjes, se si trupi i pajetë ka përfunduar në kanal.
Discussion about this post