Një automjet ka dalë nga rruga mbrëmjen e kësaj të hëne në vendin e quajtur “Ura e Baltëzës”, në Fier. Një person ende i paidentifikuar ka rënë në kanalin anësor të rrugës me automjetin e tij duke përfunduar në ujë.
Burimet nga vendngjarja bëjnë me dije se drejtuesi i mjetit tip “Benz” kishte përfunduar në kanal dhe në përpjekje për të dalë nga mjeti ishte zhytur në ujërat e tij në gjendje të dehur.
Pas marrjes së njoftimit, në vendngjarje kanë shkuar uniformat blu dhe shërbimi zjarrfikës, por drejtuesi i mjetit ishte nxjerrë nga banorët e zonës dhe më pas është transportuar në spitalin Rajonal të Fierit për të marrë ndihmën mjekësore. Ndërkohë, po punohet për nxjerrjen e automjetit nga kanali.
Discussion about this post