Policia e Fierit ka vënë në pranga tre persona të shpallur në kërkim pasi akuzohen për vrasje dhe trafikim të lëndëve narkotike. Sipas njoftimit zyrtar të policisë njëri prej tyre është arrestuar pasi akuzohet për veprën penale “Vrasje me paramendim” e mbetur në tentativë dhe “Armëmbajtje pa leje”. Ferdinand Muskaj, 55 vjeç, banues në Fier rezulton i dënuar me burg nga Gjykata e Shkallës së Parë Fier me vendimin që mban datën 24 mars 2020. Ky shtetas në datë 11.03.2020, në lagjen “11 Janari” Fier, ka tentuar të vrasë me armë zjarri 35-vjeccarin M. Rr.
Ndërkohë, në Lushnjë u arrestuan 2 persona të shpallur në kërkim për “Prodhim dhe shitje të narkotikëve”, të dënuar me 4 vjet e 8 muaj njëri dhe me 2 vjet e 7 muaj tjetri.
Ilmi Kapidani, 52 vjeç, banues në Golem, Lushnjë dhe Agron Çela, 55 vjeç, banues në Karbunarë, Lushnjë. Këta shtetas janë autorë të ngjarjes së ndodhur në datë 14.03.2019 ku pranë stacionit të trenit në Lushnjë, Policia sekuestroi një sasi rreth 21 kg lëndë narkotike në formë çokollate.
