Qytetarët e Fierit janë tronditur mëngjesin e sotëm nga një ngjarje e rëndë, ku një 30-vjeçar ka goditur me thikë nënën e tij. Klaudio Çobaj ka qëlluar disa herë në drejtim të Donika Çobaj, ndërsa hetimet paraprake bëjnë me dije se 30- vjeçari ishte në gjendje të dehur dhe i ka kërkuar lekë nënës.
Konflikti ka agravuar deri në përdorimin e thikës. Nëndrejtori i Spitalit Fier, Ramadan Çepele zbuloi se 50-vjeçarja ka marrë rreth 10-15 goditje me thikë, në qafë, bark dhe kraharor. Sipas tij, mjekët e spitalit Fier i kanë dhënë ndihmën e nevojshme dhe më pas kanë vendosur që ta transferojnë në Tiranë për trajtim më të specializuar.
“Ka pasur goditje në qafë, në kraharor dhe bark. Në këto kushte është dashur të bëhet një skaner. Nga konsulta e mjekëve tanë është marrë vendimi për ta dërguar në spitalin Nënë Tereza në Tiranë. Duhet një ndërhyrje më e specializuar. Duhet të ndiqet hap pas hapi, nga ne është nisur në gjendje jo shumë të mirë. Ka marrë ndihmën e shpejtë, mjekët tanë e sollën në gjendje të stabilizuar. Disa herë është goditur, ka marrë 10-15 plagë. Kur erdhi fliste, por në gjendje shumë të rëndë. E terrorizuar”, tha mjeku.
Discussion about this post