Pas kufizimit të energjisë elektrike, Bashkia Fier ka bërë të ditur se do të ketë ndërprerje të herë pas hershme dhe të furnizimit me ujë. Në lidhje me këtë njoftim ka reaguar vetë kreu i ujësjellësit, Petrit Kanani, i cili ka thënë se ata do të mundohen që të mos ketë shkëputje, por ulje të presionit. Sipas Kananit është gjëja më e mirë për tu bërë në një situatë krize, për të kursyer në këtë mënyrë energjinë pa prekur konsumatorët e Fierit.
“E ndjej të nevojshme të bëj një sqarim mbi njoftimin zyrtar në rrjetet sociale për një kufizim të furnizimit me ujë. Kur themi kufizim është i presionit gjatë orëve të natës. Jo për të prekur cilësinë e shërbimit ndaj abonentëve dhe për të kursyer dhe energji elektrike duke parë dhe situatën ku ne ndodhemi.
Po mundohemi si e si të kursejmë, ky është patriotizmi sot, qofte dhe një kilovat. Te njoftimi që kemi bërë kemi vendosur kufizimin nga ora 24:00 deri në 05:00, nuk besoj që prek konsumatorët ky orar sepse pompat vetëm ulin fuqinë”, është shprehur ai. Ndërsa kujtojmë se po ditën e sotme, Bashkia Fier ka njoftuar se do të ketë reduktim të energjisë elektrike në vijim.
Discussion about this post