FIFA ka dalë në mbështetje të refugjatëve nga Afganistani duke i ndihmuar për t’u evakuuar. Përmes një reagimi zyrtar organi më i lartë i futbollit botëror bën me dije se përmes Katarit ka ndihmuar 100 anëtarë të ‘familjes’ së futbollit të Afganistanit.
“Pas negociatave të ndërlikuara ajo, me mbështetjen e Katarit, ka evakuuar pothuajse 100 anëtarë të familjes së futbollit nga Afganistani, përfshirë disa futbolliste femra. FIFA shpreh mirënjohjen e saj të sinqertë për qeverinë e Katarit, për mbështetjen e saj në lehtësimin e negociatave dhe sigurimin e kalimit të sigurt për këta individë, të konsideruar si në rrezik shumë të lartë, në një fluturim carter të “Qatar Airways” nga Kabuli në Doha.”-thuhet në reagimin e FIFA-s.
Më tej shton se me qeverinë e Katarit është punuar që në muajin gusht dhe qëllimi u arrit.
“Drejtuesit e FIFA-s kanë punuar vazhdimisht me qeverinë e Katarit, që nga gushti, për evakuimin e grupit dhe do të vazhdojnë të punojnë për evakuimin e sigurt të anëtarëve të tjerë të familjes së futbollit në të ardhmen,”- njofton FIFA./K.T/Gijotina.com
