Sedat Berisha ka dështuar të fitojë gjyqin kundër Vllaznisë, pasi kërkonte pagat tre paga për periudhën që ka luajtur me shkodranët, si dhe dëmshpërblim për prishjen e njëanshme të kontratës.
E gjithë fatura për Vllazninë mund të shkonte 37 milion lekë të vjetra afërsisht, por FIFA e ka hedhur poshtë pretendimin e mbrojtësit që në Superiore është aktivizuar edhe me Tiranën.
Berisha ishte pjesë e Vllaznisë në gjysmën e dytë të sezonit 2017-18 dhe pretendon pagat për muajt mars, prill, maj. Paga e tij ishte 4.7 milion të vjetra. Futbollisti nga Shkupi gjithashtu donte dëmshpërblim për prishjen e kontratës.
Bëhet fjalë për 23.5 milion të vjetra. Kërkesa e tij në FIFA në dëm të Vllaznisë u hodh poshtë. Kjo është ajo që shkruhet në vendimin e marrë më 25 shkurt të këtij viti.
