FIFA ka ulur dënimin kundër Meksikës, për thirrjet kundër homoseksualëve të dëgjuar gjatë një ndeshje kualifikuese olimpike marsin e kaluar.
Federata Meksikane e Futbollit bëri me dije se qeveria botërore e futbollit ka dënuar kombëtaren e Meksikës të luajë vetëm një ndeshje pa tifozë, në vend të dy siç ishte vendimi i parë.
Masa në fjalë do të shlyhet më 2 shtator në takimin me Xhamajkën në stadiumin ‘Azteca’ në Mexico City, për kualifikueset e Kupës së Botës “Qatar 2022”.
FMF i kishte kërkuar FIFA-s që të rishqyrtonte sanksionin e parë, pasi dënimi do të penalizonte ekipin kombëtar, ndërsa kishte theksuar se koret homofobike ishin bërë në një ndeshje të luajtur nga ekipi U-23./Gijotina.com
